今次唔講唔開心既野,

屎忽鬼人佢地同細基真夠老友,

久唔久又陪下我咁 (俾個機會我陪下你地),

等我唔使痴線, 哈哈!!

W960i放左 lu, 用番 K800i,

W960i 去到新主人度唔好 hang 機呀知嗎

好好地正常既生活又再變得複雜,

我又要再次面對呢個前星期既問題,

幸好再次成功勸解,

真係好沉重,

星期六, 電話完全冇響過,

好想去飲野去玩, 突然想放縱一下, 但係諗唔到搵邊個,

手機電話簿裡面可以有好多新機會去嘗試,

但係打唔落手, 係因為心裡面既屋企既包袱未放低, 定係自己既面對唔到自己......

諗左好耐, 冇結論, 能醫不自醫,

可悲......

好耐都未試過一點鐘就瞓,

沉悶而辛勞既一個星期又過去......

上星期屋企發生左不愉快既事,

今個星期終於都回復正常,

但我心情仲未完全回復正常,

星期六個晚放縱咁飲, 但都冇醉...

星期日再一次為老媽慶祝生日(新曆),

見到阿媽咁開心, 我都好開心!!

感情事喇喎, 感覺到都唔係自己可以控制得到,

朋友成日同我講女可以挈, 但係我過唔到自己個關,

昨日有人挈我女朋友, 如果我今日挈人女朋友, 他日又有人挈我女朋友,

挈到幾時先會完...

但係唔挈, 又冇乜得選擇...無奈...

希望未來大計可以早日達成, 朋友等緊你呀!!

今日終於都攞到件曼聯歐冠決賽版 + #32 TEVEZ, YEAH~

0岩0岩係大陸返落唻,

同 5 大屎忽好友之長隆水上樂園 2 日 1 夜圓滿結束, 比想像中好玩, YEAH~

排隊玩野排到腳痛, 今日整返個腳仔按摩, 鬆埋平時0的疲勞, 正~

好耐都冇玩得咁開心 ^^

好多人話我個樣好細個,

正因為咁女生都會覺得我仲係個細佬仔冇安全感......無耐......

個個見到我個樣都話我係花花公子係壞人,

乜我額頭寫住花花公子四個字咩!?!

我唔想做壞人, 但偏偏女生都鍾意壞人,

成日就話自己個男朋友點唔好點唔好,

但男朋友對你地越唔好,你地就越愛,

而你地又唔會鍾意一個表面上係壞人既我......哈哈哈......諷刺......

個個都話我有好多女朋友,

話俾佢聽我冇女朋友, 就會話 '你唔只一個女朋友咋',

你地對我既睇法實在太膚淺喇 !!!